بنت الاكابر

أنساك .. و انسـا شلـون رمـت و نسيتـك
و أتْذكّـرك .. واهـيـم و أرجــع أكـابـر


و أضحـك و دمعـي ينسكـب .. لا خليتـك
مـن صـاهـرٍ بـيـن المعالـيـق سـابـر


و آقـول : ناسـي و إنـت أدرى \\ فديـتـك
إنـك فقلبـي .. مثـل مـا إنـت خـابـر !


لا زلــت أوّلـهــم .. و لا زال بـيـتـك
(( صدري )) .. ولا زالت جروحك (( منابر ))


هدّيـت حيـلـي يــا غنـاتـي و ليـتـك
فكّرت : وش تالي الجفـا و (( المكابـر )) !!



إن كـان مــا تــدري تـرانـي بكيـتـك
مثل " الكويت " اللي بكـت مـوت " جابـر "



مـا أقـول أنـا .. مـن دم قلبـي عطيتـك
لنّـي رضيـت أبقـى لضريحـك " مقابـر "


حاولـت أعلمـك العـطـا .. و مالقيـتـك
لا فيـك معنـى .. ولا لفـتـك المخـابـر !


تـدري وش اللـي غاظنـي يـوم جيتـك ؟
إنـي عشانـك بعـت (( نــاسٍ أكـابـر ))


صحيـح مـن قلبـي .. عشقـت و هويتـك
و إنـت فحياتـي كـنـت إنـسـان عـابـر


لكـن رغـم إنــي هويـتـك .. جفيـتـك
لنّـي أبـد .. مـا لـوّح لشخـص دابـر !!


صاليت فـي بعـدك .. و يـامـا دعيـتـك
ياليـن جـفّـت مــن جـفـاك المحـابـر


و إنتـه تغيـب و تحسـب إنــي نسيـتـك
و آنــا علـيـم الله .. أذكــر و أكـابـر


ابذمتـك .. إن كــان رحــت و رميـتـك
بتّم مثلـي .. يـا منـا الـروح .. صابـر ؟